السياسات والشروط

🔒 سياسة الخصوصية

«أحباب الله» أبلكيشن للأطفال بيعلّمهم الأذكار والصلاة والأحاديث وأسماء الله الحسنى وأركان الإسلام والإيمان والآداب. بنجمع أقل بيانات ممكنة، ومش بنبيع بياناتك لأي حد.

١. بيانات بتفضل على موبايلك بس (مبتوصلناش)

• التفاصيل اللي بيعملها الطفل جوه الأبلكيشن.
• التقدّم: النجوم، والصلوات اللي علّم عليها، والأذكار، والأحاديث المحفوظة، والأسماء، ونتايج المسابقة، والشارات.
• الإعدادات: المدينة (لمواعيد الصلاة)، والتذكير لو شغّلته.

البيانات دي متخزّنة في المتصفح على جهازك (localStorage). لو مسحت بيانات المتصفح أو دوست «ابدأ من الأول» هتتمسح.

٢. بيانات بتوصلنا عشان نتابع استخدام الأبلكيشن

• اسم الطفل الأول وسنّه (ولد أو بنت) اللي بتكتبهم في أول الأبلكيشن، وعدد النجوم وأيام الاستخدام، ونوع الجهاز، مع رقم عشوائي للجهاز — عشان نعرف مين بيجرّب الأبلكيشن ونحسّنه. مش بنطلب اسم العيلة ولا صور ولا موقع، ومش بنشارك البيانات دي مع حد.
• تقدر تطلب مسحها في أي وقت من «كلّمنا».

٣. بيانات بتوصلنا لما تشترك

• رقم الطلب، والباقة، والمبلغ، وطريقة الدفع، والرقم أو عنوان إنستاباي اللي حوّلت منه، وصورة التحويل اللي بتبعتها على واتساب — عشان نتأكد من الدفع ونفعّلك، ونرجّع الفلوس على نفس الرقم لو طلبت استرجاع.
• صورة التحويل بتتمسح من عندنا أول ما نراجع الطلب.

٤. مين بيشوف البيانات

• صاحب الأبلكيشن بس.
• مقدّمي الخدمات اللي بيشغّلوا الأبلكيشن: الاستضافة، وMicrosoft Azure (لو استخدمت التسميع بالمايك)، وWhatsApp (لما تبعتلنا الطلب). التلاوات بتتسمع من everyayah.com، والخطوط من Google Fonts.

٥. حقوقك

• تطلب نسخة من بياناتك اللي عندنا، أو تصحيحها، أو مسحها، على واتساب، وبنرد خلال ١٤ يوم.
• تمسح بيانات الطفل من موبايلك في أي وقت من «ولي الأمر ← ابدأ من الأول».

🧒 حماية الأطفال

• الأبلكيشن معمول للأطفال لحد ١٢ سنة تحت إشراف ولي الأمر، وولي الأمر هو اللي بيشترك وبيدفع.
• مفيش شات ولا رسايل بين الأطفال، ومفيش إعلانات جوه الأبلكيشن.
• الطفل مش بيكتب غير اسمه الأول وسنّه (بيوصلونا مع رقم عشوائي للجهاز — شوف «سياسة الخصوصية»). الشيخ متولي بينادي الطفل باسمه من تسجيلات جاهزة على الموبايل نفسه.
• صفحات الدفع والإعدادات والأدمن جوه «ولي الأمر».
• الشيخ متولي شخصية كرتونية للتشجيع والشرح بس: مش بيقرا القرآن (القرآن بيتسمع من تلاوة الشيخ الحصري)، ومش بيقول نص الحديث بصوته (الحديث بيتقرا مكتوب وهو بيشرحه).

📜 الشروط والأحكام

استخدامك للأبلكيشن أو اشتراكك فيه معناه إنك موافق على الشروط دي.

١. الخدمة

«أحباب الله» أداة تعليمية مساعدة للأطفال: أذكار الصباح والمسا والأدعية، وتعليم الوضوء والصلاة ومتابعتها ومواعيدها واتجاه القبلة، وأحاديث من الأربعين النووية مع التسميع، وأسماء الله الحسنى، وأركان الإسلام والإيمان، والآداب، ومسابقات وتحديات يومية، ودليل تربية للأهل.

٢. حدود الخدمة

• مواعيد الصلاة محسوبة على الجهاز بطريقة الهيئة المصرية العامة للمساحة، وممكن تفرق دقيقة أو اتنين عن النتايج الرسمية. اتجاه القبلة بيعتمد على بوصلة الموبايل اللي ممكن تتأثر بالمغناطيس والحديد.
• التسميع بالمايك بيصحّح على مستوى الكلمة، ودقّته بتعتمد على وضوح الصوت والنت.
• الشرح بالعامية تبسيط للأطفال، ومش بديل عن العلماء. والتربية النبوية للتوعية ومش بديل عن استشارة متخصص.
• النجوم والشارات تشجيعية ومش شهادات رسمية.

٣. الاشتراك

• الاشتراك لبيت واحد، وممنوع بيعه أو مشاركته برّه البيت أو نسخ محتوى الأبلكيشن.
• من حقنا نوقف أي اشتراك بيخالف الشروط دي.

٤. التوفّر والتعديل

بنحاول الأبلكيشن يفضل شغال طول الوقت، وممكن نضيف مزايا أو نعدّلها عشان نحسّن الخدمة.

٥. المسؤولية والقانون

مسؤوليتنا في أي حالة مش هتزيد عن المبلغ اللي دفعته في الاشتراك. الشروط دي بتخضع لقوانين جمهورية مصر العربية، ومنها قانون حماية المستهلك رقم ١٨١ لسنة ٢٠١٨.

💳 الدفع والاشتراك

• الأسعار: اشتراك سنة كاملة بـ ٤٩٩ جنيه بدل ٧٩٩، أو اشتراك ٣ شهور بـ ١٩٩ جنيه بدل ٤٩٩. السعر بيبان بوضوح قبل الدفع.
• طرق الدفع: إنستاباي أو فودافون كاش على البيانات اللي في صفحة الدفع.
• إزاي: بتحوّل المبلغ بالظبط، وتبعت صورة التحويل على واتساب ومعاها رقم طلبك، وإحنا بنراجعه بنفسنا وبنبعتلك التفعيل.
• مفيش تجديد تلقائي: مش بنسحب أي فلوس من حسابك. لما المدة تخلص، تقدر تجدّد بنفسك لو حبيت.
• رسوم التحويل (لو موجودة) على المحوِّل حسب المحفظة أو البنك.

↩️ الإلغاء والاسترجاع

• إزاي تلغي: ابعتلنا على واتساب برقم طلبك.
• الفلوس بترجع على نفس الرقم أو حساب إنستاباي اللي حوّلت منه، خلال ٧ أيام عمل.
• بعد الـ٧ أيام: مفيش استرجاع للمدة اللي فاضلة، والاشتراك بيكمل لآخر مدته.
• لو حصلت مشكلة فنية منعتك تستخدم الأبلكيشن خالص ومقدرناش نحلها، بنرجّعلك فلوسك حتى بعد الـ٧ أيام.

🔔 الإشعارات والموقع والمايك

• التذكير اختياري ومقفول من الأول. لو شغّلته، الأبلكيشن بيطلب إذن الإشعارات عشان يفكّرك بالصلاة والأذكار. تقدر تقفله في أي وقت.
• «ضيف للتقويم» بيعمل ملف تقويم على موبايلك بمواعيد الصلاة والأذكار لـ٣٠ يوم — الملف بيتعمل على الجهاز ومش بيتبعتلنا.
• الموقع: لو اخترت «📍 موقعي» بنستخدمه على الجهاز بس عشان نحسب مواعيد الصلاة والقبلة، ومش بيتبعتلنا.
• بوصلة القبلة: بتستخدم حساسات الموبايل على الجهاز بس.
• المايك: مش بيشتغل غير لما الطفل يدوس عليه بنفسه وبعد إذن المتصفح، والصوت بيروح لـMicrosoft Azure عشان يتحوّل لكلمات. إحنا مش بنسجّل الصوت ولا بنحتفظ بيه.

📖 المحتوى ومصادره

• الأذكار والأدعية: متطابقة مع «حصن المسلم»، ومصدر كل ذكر مكتوب تحته.
• الأحاديث: من متن الأربعين النووية وكتب الحديث (البخاري ومسلم والترمذي وأبي داود وابن ماجه)، ومكتوب مع كل حديث مين رواه.
• أسماء الله الحسنى: أصل الحديث في البخاري ومسلم، وترتيب الأسماء من رواية الترمذي المشهورة.
• نص القرآن (آية الكرسي والمعوذات): بالرسم العثماني برواية حفص من Tanzil، منقول كما هو. التلاوة بصوت الشيخ محمود خليل الحصري من everyayah.com، وحقوقها لأصحابها.
• الشيخ متولي وصوته ورسوماته وتصميم الأبلكيشن: ملك «أحباب الله»، وممنوع نسخها أو استخدامها تجاريًا من غير إذن. الشيخ متولي شخصية خيالية، وأي تشابه مع أشخاص حقيقيين غير مقصود.
• قصص الأنبياء: من القرآن الكريم بس، ومصدر كل مشهد (السورة والآيات) مكتوب تحته. الصور أماكن وحيوانات ومش بنرسم أي نبي أو ملاك أو صحابي.
• «اسأل الشيخ متولي»: إجابات بالذكاء الاصطناعي للتعليم والتشجيع بس — مش فتوى. الأسئلة الكبيرة اسألوها لأهل العلم. الأسئلة بتتبعت للسيرفر عشان الرد، ومبنحفظش اسم الطفل ولا بياناته.
• تسجيلات الأذان (Wikimedia Commons): «Maghrib Adhan at the Masjid al Haram, Mecca – 25 Feb 2012» — yodas، رخصة CC BY 3.0 · «Call to prayer by Sabah Fakhry» — ملكية عامة · «The Adhan – Muslim Call to Prayer – Aaqib Azeez» — Atcovi، رخصة CC BY-SA 4.0 · أذان الفجر والتنبيه القصير: «Eid al-Fitr Fajr azan at Malmö Mosque – 19 August 2012» — Islamic Center Malmö، رخصة CC BY 3.0. اتقصّت واتظبط مستوى الصوت بس.

📝 التعديلات

ممكن نحدّث السياسات دي من وقت للتاني، وتاريخ آخر تحديث بيكون مكتوب فوق. لو التغيير كبير، هنبلّغك جوه الأبلكيشن.